Вайна пакінула свой жахлівы след у сэрцах людзей, нават тых, хто нарадзіўся праз шмат гадоў пасля яе. Дзякуючы аповядам дзядоў і прадзедаў, у кожнай беларускай сям'і жыве ўспамін пра страшныя і горкія гады, якія давялося перажыць Радзіме.

У чарговую школьную суботу вучні нашай установы адукацыі накіраваліся на урок Памяці ў вёску Панфілаўшчына, дзе знаходзіцца пахаванне мірных жыхароў, расстраляных фашыстамі 1 кастрычніка 1942 года.

Хлопцы Філіповіч Д., Шашок А., Апяценак А., Барысаў І.  ажыццявілі велапрабег да гэтага месца.

Брэхун Л.Р., настаўніца нямецкай мовы, мясцовы краязнаўца, расказала прысутным аб трагедыі, якая адбылася на гэтым месцы ў час Вялікай Айчыннай вайны. Хвілінай маўчання была ўшанавана памяць шасці мірных жыхароў.

Вучні з настаўнікамі папрацавалі на добраўпарадкаванні пахаванняў. А потым накіраваліся ў в. Мосар, каб навесці парадак каля помніка воінам-землякам, якія загінулі ў гады Вялікай Айчыннай вайны.