Навучаецца 108 вучняў у 11-ці класах-камплектах, у дашкольнай групе інтаграванага навучання і выхавання 15 выхаванцаў.

Навучанне і выхаванне ажыццяўляюць 28 педагогаў, 17 з якіх маюць вышэйшую кваліфікацыйную катэгорыю, 6 - першую.

У 2025/2026 навучальным годзе на ІІІ ступені агульнай сярэдняй адукацыі арганізавана профільнае навучанне, якое прадугледжвае вывучэнне беларускай мовы і грамадазнаўства на павышаным узроўні ў Х і ХІ класах.

  ПЕДАГАГІЧНАЕ КРЭДА:

               ІНТЭЛЕКТ,

                          ТВОРЧАСЦЬ,

                                          ЗДАРОЎЕ.

Школа – гэта сям’я, гэта свет, у якім нашы вучні пражываюць цэлых адзінаццаць гадоў. Школьныя традыцыі з'яўляюцца тым звяном, якое аб'ядноўвае настаўнікаў, вучняў, выпускнікоў і бацькоў. Наяўнасць існуючых традыцый – гэта прыкмета сталага калектыву. Уплыў традыцый мы адчуваем і ў святы і ў паўсядзённым школьным жыцці. Складзеныя традыцыі надаюць школе тое асаблівае, непаўторнае, што адрознівае нашу школу ад іншых, і тым самым гуртуе школьны калектыў, узбагачаючы яго жыццё. 

Сярод мерапрыемстваў, закліканых разнастаіць школьную жыццё і даць магчымасць праявіць сябе навучэнцам і настаўнікам у творчым плане, можна аднесці наступныя школьныя справы.

Дзень ведаў 

Ля будынка школы збіраюцца і дарослыя, і дзеці. Урачыстая цырымонія праводзіцца ў форме лінейкі, затым класныя кіраўнікі праводзяць тэматычныя класныя гадзіны. Вучні рады вярнуцца ў школу пасля летніх канікул, сустрэць сваіх старых сяброў, пазнаёміцца з новымі, удыхнуць пах роднай школы. Але самыя галоўныя на гэтым свяце – прыбраныя і ўсхваляваныя першакласнікі. Для усё ў першы раз: першая настаўніца, першы званок, першы ўрок. І вельмі важна, што ўводзяць іх у новы свет старэйшыя таварышы-адзінаццацікласнікі. Для іх гэта апошні школьны Дзень ведаў.

Дзень настаўніка 

Дзень настаўніка-агульнае свята, свята ўсіх пакаленняў, удзячных за атрыманыя веды, за выхаванне. Гэта ўсенароднае свята, яно тычыцца кожнага чалавека. Успаміны пра школу, пра вобраз паважанага настаўніка суправаджаюць кожнага з нас на працягу ўсяго жыцця, падахвочваюць толькі да добрых учынкаў, служаць апорай у цяжкую хвіліну... У гэты дзень дзеці традыцыйна віншуюць педагогаў, ветэранаў педагагічнай працы. Праводзіцца дзень самакіравання. А самым цікавым у праграме свята застаецца віншавальны Канцэрт для любімых педагогаў.

Прысвячэнне ў першакласнікі

У апошні тыдзень кастрычніка надыходзіць вельмі важны дзень у жыцці нашых самых маленькіх вучняў – «прысвячэнне ў першакласнікі». Гэтае мерапрыемства праводзіцца ў прысутнасці бацькоў і педагогаў. Выконваюцца рытуалы прысвячэння. Сказаныя на дарогу словы і наказы гучаць ад бацькоў навучэнцаў, кіраўніцтва школы, ад навучэнцаў ІІ - ІV-х класаў, класнага кіраўніка І класа. Гучыць клятва першакласнікаў. У гэты дзень маленькія вучні маюць магчымасць паказаць веды, якія яны паспелі набыць у школе.

Дзень маці

Дзень маці ў школе адзначаем правядзеннем святочнага канцэрта, класных гадзін, фотавыставы, дзе дзеці могуць выказаць сваю любоў і ўдзячнасць маці. Мерапрыемствы ўключаюць выступленні з песнямі, танцамі, вершамі, а таксама творчыя нумары, стварэнне віншавальных паштовак і калажоў. Звычайна свята праходзіць насычана, яскрава і пакідае цёплыя ўспаміны.

Прадметныя тыдні 

На працягу кожнага года праходзяць тыдні па розных прадметах, падчас якіх даюцца адкрытыя ўрокі і пазакласныя мерапрыемствы, выпускаюцца тэматычныя сценгазеты, праводзяцца школьныя алімпіяды, конкурсы і віктарыны, якія выяўляюць самых лепшых знаўцаў прадмета.

Новы год

Навагодняе свята ў школе – гэта комплекс мерапрыемстваў, які ўключае ўпрыгожванне памяшканняў, падрыхтоўку святочных праграм з віншаваннямі, творчымі нумарамі (песні, танцы, сцэнкі), конкурсамі, гульнямі і дыскатэкай. Мэта такога мерапрыемства – стварыць атмасферу свята, з'яднаць калектыў, раскрыць творчыя здольнасці дзяцей і пазнаёміць іх з традыцыямі.

Вечар сустрэчы выпускнікоў

Штогод у першую суботу лютага дзверы школы адкрыты для ўсіх выпускнікоў і настаўнікаў, для якіх наша школа была калісьці другім домам. У гэты дзень ушаноўваюцца юбілейныя выпускі. Для гасцей рыхтуецца конкурсная і канцэртная праграма. Мы рыхтуем прэзентацыю з фотаздымкамі выпускаў розных гадоў. Пасталелыя ўчарашнія вучні з задавальненнем успамінаюць дні, калі самым вялікім расчараваннем была двойка ў дзённіку. На сцэне і ў школьных калідорах у гэты вечар гучаць песні, прызнанні, раскрываюцца дзіцячыя сакрэты і таямніцы.

Дзень Абаронцаў Айчыны

Ва ўсе часы гераізм і мужнасць воінаў, моц і слава зброі былі гонарам і веліччу краіны. Мы верныя традыцыям і таму сустракаем свята абаронцаў Айчыны з асаблівай урачыстасцю і цеплынёй. У гэты дзень праводзім ўрачыстыя лінейкі, спартыўныя спаборніцтвы, «Спартландыю», сустрэчы з воінамі, якія неслі або нясуць службу ў войску. Арганізуем выставу фотаздымкаў “Служу Айчыне", сэлфі ў вайсковай форме.

Міжнародны дзень 8 сакавіка

Міжнародны жаночы дзень – дзень вясны, дзень кветак і ўсмешак. Вядома ж, у школе гэтае свята асабліва любіма, бо асноўны настаўніцкі склад, як правіла, жанчыны. Акрамя таго, ёсць магчымасць арганізаваць свята сваім мамам, бабулям, паказаць свае таленты. У школе праходзіць канцэрт, выстава “Мамчыны рукі”, конкурс "А ну-ка, дзяўчынкі!", спартландыя.

Працоўныя мерапрыемствы

Традыцыйным стаў удзел дзяцей і дарослых нашай школы ў працоўных акцыях: агульнашкольныя суботнікі, догляд помнікаў, пасадка і догляд за кветнікамі, удзел у працоўнай летняй практыцы, генеральныя ўборкі класаў. Ужо даўняй традыцыяй нашай школы стаў “Дзень Зямлі”. Усе класы школы арганізавана выходзяць на вуліцу, і пачынаецца актыўная ўборка прышкольнай тэрыторыі і школьнага двара. З задавальненнем працуюць вучні і настаўнікі.

Працоўныя акцыі – яшчэ адна нагода зрабіць свет вакол сябе чысцей і выдатней! Валанцёрскі рух у школе таксама існуе не першы год. Навучэнцы аказваюць дапамогу ветэранам вайны, ветэранам педагагічнай працы, пенсіянерам, адзінокім людзям, праводзяць уборку замацаваных тэрыторый, тэрыторыю каля помнікаў ахвяр фашызму.

Дзень Перамогі.

Дзень Перамогі - наша самае дарагое і велічнае свята. Гэта ўрачыстасць бяспрыкладнага воінскага і працоўнага гераізму нашага народа, які вызваліў родную зямлю ад фашысцкіх захопнікаў. Вучні нашай школы адзначаюць вялікае свята з паважанымі ветэранамі Вялікай Айчыны вайны нашага аграгарадка Удзела. Уся школа ўдзельнічае ў святочнай дэманстрацыі, у мітынгу, прысвечаным Дню Перамогі. Мы ганарымся вамі, дарагія ветэраны і дзякуем за ваш подзвіг!

Свята “Апошні званок"

Апошні званок – вялікае агульнашкольнае свята, якое адрасавана выпускнікам, настаўнікам і бацькам. Урачыстая цырымонія ўключае выступленні гасцей, дырэктара, першай настаўніцы, бацькоў, прывітанне першакласнікаў, сказанае на дарогу слова ў адрас вучняў ІХ-х і ХІ-х класаў. Падчас святкавання звініць школьны званок, ён служыць сімвалам новага шляху для выпускнікоў, падводзіць рысу звыклага школьнага жыцця. Урокі, кантрольныя, адзнакі, дзённікі, адказы каля дошкі, дамашнія заданні, школьныя мерапрыемствы – усё гэта ўжо ў мінулым. "Апошні званок" становіцца мяжой паміж двума этапамі лёсу – заканчэннем вучобы і пачаткам новага, яшчэ невядомага, дарослага жыцця.

Выпускны вечар 

Цырымонія звязана з заканчэннем навучальнай установы навучэнцамі ІХ і ХІ класаў. У школе выпускны вечар звычайна адзначаюць пасля заканчэння ўсіх школьных экзаменаў, пасля ўдзелу ў раённым свяце выпускнікоў. На афіцыйнай цырымоніі традыцыйна ўшаноўваюць выпускнікоў ІХ і ХІ класаў. Ім уручаюць падзякі і дыпломы па выніках навучання і, самае галоўнае, уручаюць пасведчанні аб базавай адукацыі і атэстаты. Ва ўрачыстую частку ўваходзіць канцэртная праграма і дыскатэка.

Наша школа ўдзельнічае таксама ў патрыятычных акцыях, спартыўных мерапрыемствах, даследчых і экалагічных праектах, прадметных алімпіядах і алімпіядзе па фінансавай граматнасці, навукова-практычных канферэнцыях і творчых конкурсах. Навучэнцы атрымліваюць узнагароды розных ступеняў, набываюць жыццёвы вопыт. Мы імкнемся заўважыць усе поспехі нашых вучняў і ўсякі іх поспех, нават невялікі, зрабіць здабыткам ўсёй установы адукацыі.