22 верасня ва ўстанове адукацыі прайшоў агульнашкольны бацькоўскі сход “Асаблівасці арганізацыі адукацыйнага працэсу ў 2023/2024 навучальным годзе”, на які былі запрошаны бацькі, законныя прадстаўнікі выхаванцаў дзіцячага сада і вучняў 1 – 11 класаў.
На сустрэчу з бацькамі завіталі супрацоўнік ІСН Глыбоцкага РАУС Пачопка Людміла Аляксандраўна, педагог-псіхолаг ДУА “Сацыяльна-педагагічны цэнтр Глыбоцкага раёна” Зяваліч Таццяна Аляксандраўна.
Дырэктар установы адукацыі Бародзіч С.Я. прывітала бацькоў і давяла да іх ведама інфармацыю аб гатоўнасці ўстановы адукацыі да навучальнага года, аб дзейнасці папячыцельскага савета, аб правілах унутранага распарадку для вучняў.
Пачопка Л.А. пазнаёміла прысутных з аператыўнай абстаноўкай па раёне, акцэнтавала ўвагу бацькоў на іх адказнасці за жыццё і здароўе дзяцей, адзначыла: на колькі важна, каб яны ведалі, чым заняты іх дзеці ў вольны час. Спынілася на прафілактыцы насілля ў дачыненні да непаўналетніх, суіцыдальных паводзін.
Таццяна Аляксандраўна Зеваліч паведаміла бацькам, што такое насілле, віды насілля ў дачыненні непаўналетніх, прыкметы. Дала парады бацькам, як дзейнічаць, калі здарылася няшчасце.
Намеснік дырэктара Протас А.С. расказала, якія гурткі, спартыўныя секцыі працуюць ва ўстанове адукацыі.
Потым адбыліся сустрэчы з класнымі кіраўнікамі.