На чарговай сустрэчы прысутнічалі  педагог-псіхолаг ДУА “Сацыяльна-педагагічны цэнтр Глыбоцкага раёна” Гапоненка К.П., участковы інспектар інспекцыі па справах непаўналетніх Глыбоцкага РАУС Пачопка Л.А.

Ксенія Пятроўна Гапоненка вяла размову  пра  булінг у школьным асяроддзі. Падрабязна спынілася на тым, хто становіцца ахвярай булінгу, адзначыла, па якіх прыкметах можна вызначыць. Агучыла алгарытм дзеянняў для бацькоў, што трэба рабіць, а што нельга. Дала характарыстыку булерам (агрэсарам) і назіральнікам булінгу. Пазнаёміла са службамі, якія акажуць дапамогу ў складаных сітуацыях

Людміла Аляксандраўна Пачопка звернула ўвагу на ролю сям'і ў фарміраванні асобы, абароне падлетка ад негатыўнага ўплыву вуліцы, станаўленне яго ўнутранага свету і каштоўнасных арыенціраў. Папярэдзіла аб бяспецы ў інтэрнэце. Прывяла статыстычныя дадзеныя аб правапарушэннях і злачынствах, здзейсненых па раёне непаўналетнімі. Спынілася на прафілактыцы насілля ў дачыненні да непаўналетніх, кібербяспецы.

Асаблівы акцэнт быў зроблены на адказнасці за ўдзел непаўналетніх у незаконным абароце наркотыкаў. Недапушчальнасці выкарыстання электронных сігарэт.

Праінфармавала бацькоў аб неабходнасці і важнасці выканання правілаў дарожнага руху, як дарослым, так і дзецьмі, неабходнасці нашэння флікераў.

На бацькоўскім сходзе бацькам былі агучаны вынікі адукацыйнага працэсу за 1 чвэрць, поспехі ў алімпіядным руху.

Бацькам была даведзена інфармацыя пра субкультуру “квадроберы”.

Потым прысутныя мелі магчымасць сустрэцца з класнымі кіраўнікамі.

Протас А.С., намеснік дырэктара па асноўнай дзейнасці