У суботу, 6 мая, ва ўстанове адукацыі прайшоў урок памяці “Нельга забыць”. Пачаўся ён з адкрыцця экспазіцыі “Генацыд беларускага народа”, над стварэннем якой працавалі педагогі, вучні.

Настаўнік гісторыі і грамадазнаўства Хайноўскі С.А. яшчэ раз засяродзіў увагу прысутных на Законе Рэспублікі Беларусь № 146-З ад  5 студзеня 2022 г  “Аб генацыдзе беларускага народа”. 

Педагог паведаміў пра  розныя формы  разбуральнай палітыкі, якую праводзілі нацысты і іх памагатыя.  Інфармаваў аб значнасці рэгіянальнай гісторыі, звязанай з генацыдам, аб асноўных падзеях, датах, месцах і існуючых помніках, звязаных з генацыдам мірнага насельніцтва на акупаванай тэрыторыі Беларусі.

Юныя экскурсаводы правялі экскурсію па месцах прымусовага ўтрымання і масавага знішчэння беларускага народа. Для азнаямлення з больш падрабязнымі звесткамі прапанаваны QR-коды.  

Потым быў прагляд дакументальнага відэафільма пра Дамачаўскі дзіцячы дом “Расстралянае дзяцінства”.