15 снежня ва ўстанове адукацыі прайшоў агульнашкольны бацькоўскі сход па тэме “Прычыны правапарушэнняў сярод непаўналетніх”, на які былі запрошаны супрацоўнік РАНС Краўцоў А.П., супрацоўнік ІСН Пачопка Л.А..

Краўцоў А.П. засяродзіў увагу прысутных на неабходнасці захавання пажарнай бяспекі, бяспекі на вадзе, лёдзе ў зімовы перыяд. Нагадаў правілы абыходжання з піратэхнічнымі вырабамі. Засяродзіў увагу бацькоў на тым, каб яны ні ў якім выпадку не пакідалі дзяцей адных.

Пачопка Л.А. пазнаёміла са статыстыкаў правапарушэнняў і злачынстваў, учыненых непаўналетнімі. Адзначыла, што ў большасці выпадкаў гэтаму садзейнічае неналежнае выкананне сваіх абавязкаў бацькамі, бо калі ў сям'і не надаюць увагі дзіцяці, то ў далейшым можна чакаць пэўных негатыўных наступстваў.  Бацькам неабходна не толькі сачыць, чым і дзе займаецца іх дзіця, але і кантраляваць, каб яно не знаходзілася па-за месцам жыхарства ў позні час. Цікавіцца, чым жыве дзіця і звяртаць увагу на яго актыўнасць у інтэрнэце, у прыватнасці, у сацыяльных сетках, каб папярэдзіць і недапусціць насілля ў дачыненні непаўналетніх, суіцыданебяспечных паводзін. Акцэнтавала ўвагу на недапушчэнні курэння, у тым ліку і вэйпаў, на адказнасці за распаўсюджванне і ўжыванне наркатычных сродкаў.

Францукевіч К.А., педагог сацыяльны ўстановы адукацыі, больш падрабязна спынілася на паняцці “правапарушэнне”, на фактарах і прычынах іх  здзяйснення (неспрыяльныя ўмовы  выхавання, біялагічныя фактары). Агучыла работу ўстановы адукацыі па прафілактыцы правапарушэнняў.

Протас А.С., намеснік дырэктара па асноўнай дзейнасці, пазнаёміла з асноўнымі палажэннямі Пастановы Савета Міністраў Рэспублікі Беларусь ад 15.01.2029 г. №22 “Аб прызнанні дзяцей знаходзячыміся ў сацыяльна небяспечным становішчы”, са зменамі ў крытэрыях і паказчыках СНС (ад 01.12.2023).

Дырэктар установы адукацыі Бародзіч С.Я. расказала прысутным аб поспехах вучняў і педагогаў за першае паўгоддзе бягучага навучальнага года, дала справаздачу аб дзейнасці папячыцельскага савета за 2023 год.

Потым настаўнік гісторыі Хайноўскі А.А. запрасіў бацькоў наведаць экспазіцыю, прысвечаную генацыду беларускага народа.