21 сакавіка ва ўстанове адукацыі прайшоў чарговы агульнашкольны бацькоўскі сход, на які былі запрошаны супрацоўнікі аддзела ДАІ МГБ АУС Глыбоцкага райвыканкама, урач агульнай практыкі, загадчык Удзелаўскай урачэбнай амбулаторыі Сачко Р.Е.

Казачок І.В., супрацоўнік ДАІ, спачатку прапанаваў увазе прысутных прафілактычны відэаролік. Праінфармаваў бацькоў аб неабходнасці і важнасці выканання правілаў дарожнага руху, як дарослымі, так і дзецьмі, неабходнасці нашэння флікераў. Асаблівую ўвагу засяродзіў на бяспецы веласіпедыстаў.

Папярэдзіў аб бяспецы ў інтэрнэце, прафілактыцы насілля ў дачыненні да непаўналетніх, кібербяспецы. Асаблівы акцэнт быў зроблены на адказнасці за ўдзел непаўналетніх у незаконным абароце наркотыкаў. Недапушчальнасці выкарыстання электронных сігарэт.

Потым педаг-псіхолаг установы адукацыі Ткачонак Ю.І. распачала размову з бацькамі аб прафілактыцы суіцыдаў сярод падлеткаў. Дала парады.

Прадоўжыў размову Сачко Р.Я., які расказаў бацькам аб тым, як дапамагчы падлетку ў крызіснай сітуацыі, куда можна звярнуцца за дапамогай. Бацькам былі ўручаны буклеты.

Таксама бацькі былі азнаёмлены з Пастановай савета міністраў Рэспублікі Беларусь ад 30.12.2024 №1055 “Аб прызнанні дзяцей знаходзячыміся ў сацыяльна небяспечным становішчы”.

На бацькоўскім сходзе былі агучаны вынікі адукацыйнага працэсу за 3 чвэрць, план работы ўстановы адукацыі на перыяд канікул.

Потым прысутныя былі запрошаны на сустрэчы з класнымі кіраўнікамі.

Протас А.С., намеснік дырэктара па асноўнай дзейнасці