Моладзь – за Саюзную дзяржаву

У рамках правядзення школы актыўнага грамадзяніна “Маладосць – час выбару. Моладзь за Саюзную дзяржаву” 20 сакавіка адбылася размова пра моладзевыя ініцыятывы і праекты Саюзнай дзяржавы Беларусі і Расіі і сустрэча з рэдактарам раённай газеты “Веснік Глыбоччыны” Панкратам А.М.

Вучні 8-11 класаў пазнаёміліся з асноўнымі праектамі: Форум моладзі Саюзнай дзяржавы, турысцкі злёт навучэнцаў Саюзнай дзяржавы, злёт юных эколагаў “Экалогія без межаў”, грамадзянска-патрыятычная кадэцкая змена навучэнцаў Саюзнай дзяржавы, “Цягнік Памяці”, “100 ідэй для СНД”, адукацыйны праект “Курган-2024”. Размова ішла і пра Моладзевую палату пры Парламенцкім сходзе Саюза Беларусі і Расіі, дзейнасць студэнцкіх будаўнічых атрадаў.

Запрошаны госць Панкрат А.М. падзяліўся вопытам асвятлення моладзевых праектаў у СМІ, магчымасцях, якія прадастаўляе дзяржава маладым людзям і акцэнтаваў увагу на тым, што трэба быць актыўнымі грамадзянамі, неабыякавымі да сацыяльнага і палітычнага жыцця краіны.