16 красавіка на прафарыентацыйную  сустрэчу з  вучнямі 9 – 11 класаў завіталі дырэктар ДП “Глыбоцкая ПМК меліяводгас” Палідавец Аляксандр Расціслававіч і супрацоўнік аддзела кадраў Леановіч Таццяна Мікалаеўна.

Госці расказалі вучням аб відах паслуг, якія аказвае прадпрыемства. У першую чаргу, гэта меліярацыйныя і земляныя работы, прамысловае будаўніцтва, добраўпарадкаванне тэрыторый і інш.  Акцэнтавалі ўвагу на спецыялістах, якія запатрабаваны на прадпрыемстве.

Аляксандр Расціслававіч адзначыў, што абраць цікавую і перспектыўную спецыяльнасць, звязаную з меліярацыяй і атрымаць высокую кваліфікацыю можна ў Беларускай дзяржаўнай сельскагаспадарчай акадэміі, якая ажыццяўляе падрыхтоўку спецыялістаў па спецыяльнасцям “Меліярацыя і водная гаспадарка”, “Тэхнічны сервіс у аграпрамысловым комплексе”. Пры заключэнні дагавора аб мэтавай падрыхтоўцы залічэнне ажыццяўляецца без экзаменаў.

Для юнакоў ёсць магчымасць прадоўжыць службу ў рэзерве Узброенных сіл Рэспублікі Беларусь на працягу 3-х гадоў навучання ў час летніх канікул.  

Вучні мелі магчымасць задаць пытанні і атрымаць змястоўныя адказы.