Сонечным майскім днём вучні пачатковых класаў адправіліся ў займальнае падарожжа.

Спачатку дзеці наведалі конна-спартыўны клуб “Амазонкі”. Загадчык клуба і трэнер па верхавой яздзе Рудзянкова Марына Аляксандраўна шмат цікавага і дзіўнага расказала пра коней, пра работу клуба. Потым былі гульні, конкурсы, кармленне жывёл кавалачкамі яблыкаў. Неверагодныя эмоцыі адчулі дзеці,  катаючыся  вярхом на конях! На памяць кожны вучань з розных матэрыялаў зрабіў сваімі рукамі фігурку коніка.

І яшчэ адзін прыпынак. Гэта мемарыяльны комплекс “Барок”.  Ён прысвечаны памяці  ахвярам лагера смерці ў Беразвеччы. Тут  у гады Вялікай Айчыннай вайны загінула 27 тысяч савецкіх і італьянскіх ваеннапалонных.  Дзяцей уразілі жахі вайны. Такое не павінна больш паўтарыцца!

Перапоўненыя ўражаннямі дзеці вярнуліся ў школу. І яшчэ доўга абмяркоўвалі паездку.