Вечар школьных сяброў зноў сабраў 1 лютага выпускнікоў розных гадоў  і розных пакаленняў Удзелаўскай сярэдняй школы. У гэты дзень  можна  было ўбачыць сваіх аднакласнікаў, настаўнікаў праз многа гадоў пасля выпускнога вечара.

У гэты вечар кожны, хто завітаў у сцены роднай школы,  меў магчымасць зноў адчуць сябе вучнем і атрымаць  асалоду радасных успамінаў дзяцінства.

Вечар сустрэчы прайшоў у форме летапісу.

З прывітальным словам да выпускнікоў звярнулася дырэктар установы адукацыі Святлана Яўгеньеўна Бародзіч.

На сцэну запрашаліся героі вечара – выпускнікі-юбіляры, якія закончылі школу 50, 45, 40, 35, 30, 20, 10, 5 гадоў таму назад і, зразумела, самыя юныя юнакі і дзяўчаты, якія пакінулі ўстанову толькі ў 2024 годзе.

Не гледзячы на розніцу ў гадах, на тварах ва ўсіх была радасць у чаканні сустрэчы з юнацтвам.

Гасцей віталі самыя юныя артысты, вучні пачатковых класаў. Не пакінулі раўнадушнымі прысутных песні ў выкананні Развадоўскай Наталлі, педагогаў Аляксеевай Т.А. і Шалак А.М.. Вучнямі 9 класа была пастаўлена сцэнка “Цэнтралізаваны экзамен”.

          Развітваючыся, выпускнікі выказвалі словы падзякі за цудоўны вечар, за хвіліны радасці ад сустрэчы з сябрамі. Жадалі школе новых здзяйсненняў, яркіх перамог, радасных дзён.