Гэта было ў маім лёсе…

Пад такой назвай прайшла ў ДУА “Удзелаўская сярэдняя школа Глыбоцкага раёна” сустрэча, прысвечаная Дню памяці воінаў-інтэрнацыяналістаў.

Пачалося мерапрыемства з прагляду відэароліка пра афганскую вайну.

Вядучыя мерапрыемства, вучні 6 класа, адзначылі, што ў гэты дзень мы аддаём даніну памяці воінам, якія прайшлі цяжкімі дарогамі Афганістана, менавіта ў гэты дзень неабходна сказаць пра людзей з высокім пачуццём грамадзянскага абавязку, салдацкай мужнасці, верных воінскай прысязе.

На сустрэчу былі запрошаны: Ждановіч Антон Пятровіч, палкоўнік у адстаўцы, старшыня раённай арганізацыі “Беларускі Саюз ветэранаў вайны ў Афганістане”, Кляўчэня Васіль Івановіч, падпалкоўнік, былы старшыня раённай арганізацыі грамадскага аб’яднання “Беларускі Саюз афіцэраў”.

Ждановіч А.П. прайшоў афганскую вайну і быў сведкам тых падзей. Сваімі ўспамінамі аб выкананні інтэрнацыянальнага абавязку ён падзяліўся з удзельнікамі сустрэчы.

Цікавым было выступленне Васіля Івановіча Кляўчэні, які ў свой час выконваў інтэрнацыянальны абавязак на Кубе.

Хвілінай маўчання была ўшанавана памяць загінуўшых.

Гэта сустрэча будзе напамінам усім аб тым, што пакуль жыве чалавечая памяць, то будзе жывы і чалавек. Маладое пакаленне не павінна забываць тых, хто прайшоў суровымі дарогамі Афганскай вайны.