21 лютага 2025 года на базе ДУА «Удзелаўская сярэдняя школа Глыбоцкага раёна” прайшоў занальны этап Рэспубліканскай спартыўна-патрыятычнай гульні “Зарнічка”.

Мэта дадзенай гульні – грамадзянска-патрыятычнае выхаванне падрастаючага пакалення, фізічнае развіццё малодшых членаў піянерскай арганізацыі. Дэвіз: “Каб Радзіме служыць, трэба моцным, смелым быць!”.

Паспаборнічаць прыбылі каманды: “Факел” (ДУА “Азярэцкая сярэдняя школа Глыбоцкага раёна”), “Брыганціна” (ДУА “Залеская сярэдняя школа Глыбоцкага раёна”), “Танкісты” (ДУА “Пліская сярэдняя школа Глыбоцкага раёна”), “Патрыёты” (ДУА “Удзелаўская сярэдняя школа Глыбоцкага раёна”).

Галоўным суддзёй спаборніцтваў быў падпалкоўнік Кляўчэня Васіль Іванавіч.

Пачалася гульня з лінейкі. А потым пайшлі этапы выпрабаванняў. Першы – агляд строя акцябрацкіх войск “Будзь гатовы!”, потым квіз-гульня “Маленькія грамадзяне вялікай краіны”, а далей этапы, на якіх трэба было кожнаму члену атрада паказаць сваё фізічнае развіццё. Усе атрады цудоўна справіліся з заданнямі і без страт прайшлі ўсе выпрабаванні. У нашай Радзімы растуць адважныя і дружныя абаронцы.

З нецярпеннем усе чакалі вынікаў гульні. Пераможцам стаў атрад “Патрыёты” нашай установы адукацыі.