Першага верасня па ўсёй Беларусі адзначаюць важнае свята – Дзень ведаў. У гэты дзень у школах пачынаецца чарговы новы навучальны год. Зноў у школу ўсе спяшаюцца з кветкамі, да сваіх настаўнікаў, на знаёмае ўсім свята ведаў, а яшчэ на першы званок.

У нашай установе адукацыі таксама адбылася ўрачыстая лінейка, прысвечаная пачатку новага навучальнага года. 1 верасня 2025 года традыцыйна  празвінеў першы званок. Дзень ведаў – гэта хваляванне, мора кветак і белых бантаў, і, вядома, першыя ўрокі. Гэты ўрачысты момант аб'яднаў навучэнцаў, педагогаў, бацькоў і гасцей свята.

Ганаровымі гасцямі свята ў гэтым годзе былі: 

Карніловіч Таццяна Віктараўна, галоўны спецыяліст аддзела па адукацыі Глыбоцкага райвыканкама,

Дзехцяр Ігар Васільевіч, Начальнік аддзела ўнутраных спраў Глыбоцкага раённага выканаўчага камітэта,

Раманчук Святлана Чаславаўна, намеснік дырэктара па ідэалагічнай рабоце СУП “За Радзіму”,

Айцец Віктар, святар Удзельскага Касцёла Беззаганнага Зачацця Дзевы Марыі.

Традыцыйна пасля ўрачыстай часткі ў кожным класе праводзіўся тэматычны першы ўрок, які ў 2025 годзе прысвечаны тэме “Эстафета пакаленняў: захоўваючы мінулае, ствараем будучыню” і быў накіраваны на фарміраванне ў вучняў гістарычнай памяці і пачуцця адказнасці. Увесь дзень быў прасякнуты асаблівай урачыстасцю і радасцю новых пачынанняў.

Увесь дзень быў прасякнуты асаблівай урачыстасцю і радасцю новых пачынанняў.