Дзень здароўя

На лекторыі здароўя ішла размова пра карысць і шкоду гаджэтаў, падчас якога прысутныя даведаліся, што гаджэтаў вельмі шмат. Пра наяўнасць некаторых нават не здагадваліся.

        Вырашаючы праблемныя сітуацыі, выказалі аргументы ў карысць іх. А таксама прыйшлі да высновы, што выкарыстоўваць гаджэты трэба з розумам, захоўваючы правілы бяспекі.

Потым пачаліся спаборніцтвы па шашках і шахматах. У ліку пераможцаў наступныя вучні: Кісель Максім (5 клас), Шымко Арцём, Апяцёнак Яўген (6 клас), Філіповіч Дзмітрый (8 клас), Рыбакова Дзіяна (9 клас), Губская Таццяна (10 клас).

Чакала ў гэты дзень усіх жадаючых школьная лыжня.

Экскурсія у Мосар!

Вось празвінеў доўгачаканы званок ­­- і школа чарговы раз гасцінна запрасіла хлопчыкаў і дзяўчынак, юнакоў і дзяўчат у цікавы шлях да новых ведаў.  А ў першую школьную суботу вучні сярэдніх і старэйшых класаў адправіліся на экскурсію ў Мосарскі дэндралагічны парк. Пра ўзнікненне вёскі на беразе возера Царкавішча, сям’ю Бжастоўскіх, гісторыю касцёла Святой Ганны распавяла краязнаўца, настаўнік нашай школы Брэхун Лілія Рышардаўна. Тыя вучні, якія актыўна адказвалі на пытанні і паказалі добрае веданне гісторыі Мосаршчыны, атрымалі прызы. Потым быў час пагуляць па парку і палюбавацца цудоўнымі скульптурамі, прыгожымі кветкавымі кампазіцыямі, схадзіць да крынічкі. У касцёле нас сустрэла Ткачонак Марыя Раманаўна, якая расказала цікавую гісторыю з’яўлення ў касцёле мошчаў Святога Юстына, потым пайшлі ў этнаграфічны музей, музей Ёзаса Булькі і музей цвярозасці.  

Словы ўдзячнасці выказваем экскурсаводам і арганізатарам паездкі за цудоўна праведзены час.